NASAB SAY TEERGI

NASAB SAY TEERGI HER GIZ JUDA NAHIN HOTI

BAGAIR KHAAK E SHIFA KAY SHIFA NAHIN HOTI

HER AIK HAAL MEIN KARNA HUSSAIN KA MATAM

YEH WOH NAMAZ HAI JISKI QAZA NAHIN HOTI

JAHAN KA MAQSAD E KHILQAT SAMAJH NAHIN AATA

AGAR JAHAN MEIN HADEES E KISA NAHIN HOTI

SAMAJHNA KARB O BALA KO BOHOT HE MUSHKIL THA

JO ZAAT E ZAINAB E MUSHKIL KUSHA NAHIN HOTI

NA KARTI SAJDAY AGAR YEH ALAM KAY PANJAY PER

JAHAN MEIN CHALNAY KAY QABIL HAWA NAHIN HOTI

JANAM DAY USKO JO BUGHZ E ALI KA MARA HO

SHARIF MAAN SAY TO AISI KHATA NAHIN HOTI

WAHAN KAY LOG MUQADDAR KA RONA ROTAY HAIN

JAHAN PAY MAJLIS E SARWAR BAPA NAHIN HOTI

RIDA NA DAITI JO ZAINAB TO HASHR TUC GOHAR

KHUDA KAY DEEN KAY SIR PER RIDA NAHIN HOTI

WRITER: GOHAR JARCHVI

AUDIO: BAIDARIAN 2005

RECITER: RIZWAN ZAIDI

KARACHI - PAKISTAN